Икона Образ Божьей Матери “Живоносный Источник”
Молитва перед иконой Пресвятой Богородицы, именуемой «Живоносный источник»
О, Пресвятая Дево, Всемилостивая Госпоже Владычице Богородице, Живоносный Источник Твой, целебные дары на здравие душ и телес наших и на спасение миру точащи, подала еси нам, темже благодарни суще усердно молим Тя, Царице Пресвятая, моли Сына Твоего и Бога нашего дати нам оставление прегрешений и всякой душе скорбящей и озлобленней милость и утешение, и от бед, скорбей и болезней освобождение. Подаждь, Госпоже, храму сему и сим людем покровение (и святей обители сей соблюдение), граду сохранение, стране нашей от напастей избавление и ограждение, да мирное зде поживем житие, и в будущем веце сподобимся видети Тебе Заступницу нашу, во славе Царства Сына Твоего и Бога нашего. Ему же слава и держава со Отцем и Пресвятым Духом во веки веков. Аминь.
Тропарь, глас 4:
Днесь притецем вернии к Божественному и цельбоносному образу Пресвятая Богородицы, излиявшия капли своих излияний, и людем верным чудесе показавшия, яже мы видяще и слышаще духовно празднуем и любезно вопием: исцели наши недуги и страсти, якоже и каркинския и тмочисленныя страсти исцелила еси; темже молим Тя Дево Пречистая, моли воплощеннаго из Тебе Христа Бога нашего спастися душа нашим.
Ин тропарь, глас 4:
Почерпем, человецы, цельбы душам и телом молитвою, Река бо всем предтечет — Пречистая Царица Богородица, источающи нам чудную воду и измывающи сердец черности, греховныя струпы очищающи, души же освящающи верных Божественною благодатию.
Все молитвы .
В 450 году воин Лев Маркелл встретил тут заблудившегося слепца. Решив найти воды для него, он услышал голос Богородицы, который повелел ему найти источник и помазать тиной глаза страннику. После этого слепой прозрел. А Божия Матерь предрекла воину, что он станет императором Византии, что позднее и произошло.
В пятницу Светлой седмицы после литургии в православных храмах как правило совершается водосвятный молебен перед этой иконой. Люди окропляют святой водой свои сады и огороды, призывая Господа и Его Пречистую Матерь даровать им хороший урожай.
Молитвы о помощи в разных нуждах, молитвословы, каноны, акафисты, книги для изучающих Закон Божий, творения святых отцов, богословские произведения – с доставкой во все регионы России.
Сайт: http://pravmolitva.ru/
Почта: pravmolitva@mail.ru
Телефон: (495) 592-72-52, (495) 330-03-81, (903) 134-62-07
О Пресвятая Дево, Мати Господа нашего Иисуса Христа! Ты еси Мати и Покровительница всех, к Тебе прибегающих, призри с благосердием на молитвы грешных и смиренных чад Твоих. Ты, именуемая Живоносный Источник благодатных врачеваний, исцели болезни страждущих и умоли Сына Твоего, Господа нашего Иисуса Христа, да низпослет и всем, притекающим к Тебе, здравие душевное и телесное и, простив нам вольная и невольная согрешения наша, дарует нам вся, яже к вечней и временней жизни потребная. Ты еси всех скорбящих радость, услыши нас, скорбных; Ты еси утоление печали, утоли и нашу печаль; Ты еси взыскание погибших, не попусти и нам погибнути в бездне грехов наших, но всегда избавляй нас от всяких скорбей и напастей и всякаго злаго обстояния. Ей, Царице наша преблагая, Надеждо наша несокрушимая и Заступнице необоримая, не отврати лица Твоего от нас за множество прегрешений наших, но простри нам руце Матерняго милосердия Твоего и сотвори с нами знамение милости Твоея во благо, яви нам помощь Твою и благопоспеши во всяком деле благом. От всякаго же начинания греховнаго и помышления лукаваго отврати нас, да всегда славим пречестное имя Твое, величающе Бога Отца и Сына Единороднаго, Господа Иисуса Христа, и Животворящаго Святаго Духа со всеми святыми во веки веков. Аминь.
О Пресвятая Дево, Всемилостивая Госпоже Владычице Богородице! Живоносный источник Твой, целебные дары на здравие душ и телес наших и на спасение миру точащий, подала еси нам; темже, благодарни суще, усердно молим Тя, Царице Пресвятая, моли Сына Твоего и Бога нашего дати нам оставление прегрешений и всякой душе скорбящей и озлобленней милость и утешение, и от бед, скорбей и болезней свобождение. Подаждь, Госпоже, храму сему и сим людем покровение (и святей обители сей соблюдение), граду сохранение, стране нашей от напастей избавление и ограждение, да мирное зде поживем житие, и в будущем веце сподобимся видети Тебе, Заступницу нашу, во славе Царства Сына Твоего и Бога нашего, Емуже слава и держава со Отцем и с Пресвятым Духом во веки веков. Аминь.
© Михаил Тихомиров
Цитируется по кн.: МОЛИТВЫ ОБ УТЕШЕНИИ В ДУШЕВНЫХ СКОРБЯХ И ПЕЧАЛЯХ. – М.: Изд. Тихомирова М.Ю., 2017, с. 29-32. ИС Р16-520-0944
Загрузка...