Лучше читать все молитвы по порядку. Если сложно выделить необходимое время, можно читать любую из них. Помните, что лучше вдумчиво всем сердцем посвятить себя одной молитве, чем бегло пробежаться по всем.
Заступнице усердная, благоутробная Господа Мати!
К Тебе прибегаю аз окаянный и паче всех человек грешнейший, вонми гласу моления моего и вопль мой и стенание услыши.
Яко беззакония моя превзыдоша главу мою, и аз, якоже корабль в пучине, погружаюся в море грехов моих.
Но Ты, Всеблагая и Милосердая Владычице, не презри мене отчаяннаго и во гресех погибающаго, помилуй мя, кающагося во злых делех моих, и обрати на путь правый заблуждшую окаянную душу мою.
На Тебе, Владычице моя Богородице, возлагаю все упование мое.
Ты, Мати Божия, сохрани и соблюди мя под кровом Твоим, ныне и присно и во веки веков.
О, Пресвятая и Преблагословенная Дево, Владычице Богородице, Споручнице грешных и Взыскание погибших!
Призри милостивным Твоим оком на нас, предстоящих пред святою иконою Твоею и со умилением молящихся Тебе:
воздвигни нас из глубины греховныя, просвети ум наш, омраченный страстьми, и уврачуй язвы душ и телес наших.
Не имамы иныя помощи, не имамы иныя надежды, разве Тебе, Владычице, Ты веси вся немощи и согрешения наша, к Тебе прибегаем и вопием:
не остави нас Твоею небесною помощию, но предстани нам присно и Твоим неизреченным милосердием и щедротами спаси и помилуй нас погибающих.
Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки.
Ты бо, Царице и Владычице, скорая Помощница и Заступница всем притекающим к Тебе, и крепкое Прибежище грешников кающихся.
Подаждь убо нам, Преблагая и Всенепорочная Дево, христианский конец живота нашего мирен и непостыден и сподоби нас Твоим ходатайством вселитися в обителех Небесных,
идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков.
О, Владычице Преблагословенная, Защитнице рода христианскаго, прибежище и спасение прибегающих к Тебе!
Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия.
Но имам многия образы прежде мене прогневавших Его милосердие: мытари, блудницы и прочия грешники, имже дадеся прощение грехов их покаяния ради и исповедания.
Тыя убо образы помилованных очесем грешныя души моея представляя и на толикое Божие милосердие, оныя приемшее, взирая, дерзнух и аз грешный прибегнути с покаянием ко Твоему благосердию.
О, Всемилостивая Владычице!
Подаждь ми руку помощи и испроси у Сына Твоего и Бога Матерними и святейшими Твоими молитвами тяжким моим грехом прощение.
Верую и исповедую, яко Той, Егоже родила еси, Сын Твой есть воистинну
Христос, Сын Бога живаго.
Судия живых и Мертвых, воздаяй коемуждо по делом его;
верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу ходатаицу, зело любящую род христианский, и споручницу покаяния;
воистинну бо несть нам иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда, и Тобою умоляя Бога, никтоже оставлен бысть.
Того ради и аз Твою неисчетную благость молю:
отверзи двери милосердия Твоего мне заблуждшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго,
яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея, яко да и аз,
со всеми получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце.
О, Пресвятая и Преблагословенная Дево, Владычице Богородице! Призри милостивым Твоим оком на нас, предстоящих пред святою иконою Твоею и со умилением молящихся Тебе, воздвигни нас из глубины греховныя, просвети ум наш, омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице, Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая Помощница и Заступница всем, притекающим к Тебе, и крепкое прибежище грешников кающихся. Подаждь убо нам, Преблагая и Всенепорочная Дево, христианский конец живота нашего, мирен и непостыден, и сподоби нас Твоим ходатайством вселитися в обителях Небесных, идеже непрестанный глас празднующих радостию славит Пресвятую Троицу, Отца, и Сына, и Святаго Духа, ныне, и присно, и во веки веков. Аминь.
Взыщи нас погибающих, Пресвятая Дево, не по грехом бо нашим наказуеши нас, но по человеколюбию милуеши, избави нас от ада, болезни и нужды и спаси нас.
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.
Величаем Тя, Пресвятая Дево, и чтим образ Твой святый, имже болезни наша врачуеши и души наша к Богу возводиши.
Очень часто православные христиане, действительно верящие в силу молитвы, просят у Господа не только помощи в своих житейских делах. У многих из них есть друзья и близкие люди, которые сбились с истинного пути и потерялись в искушениях и грехах. Именно поэтому произносить такой сакральный тест рекомендуется родителям, пытающимся вразумить своих детей и направить их мысли в нужное русло.
Обратившись за помощью к иконе с изображением Святой Богородицы, вы просите дать надежду и силы тем, кто в них нуждается. Если рассматривать подробнее, произносят религиозный текст перед иконой в следующих случаях:
Акафист также содержит просьбы о помощи, защите, а еще об избавлении всех людей от напастей. Более того, если у вас пропал родственник или друг, и вы не знаете, где он находится, что с ним произошло, лучше всего также использовать данное религиозное творение.
Ниже мы приводим молитвы Божией Матери, которые возносятся пред Ея иконой Взыскание погибших.
Если вы нашли ошибку, пожалуйста, выделите фрагмент текста и нажмите Ctrl+Enter.
Загрузка...