МОЛИТВА СВЯТОЙ ПРЕПОДОБНОМУЧЕНИЦЕ ЕЛИЗАВЕТЕ
(читается на молебнах в Никольском храме села Ромашково)
О, святая преподобномученице Елисавето, избранная от рода державнаго красото Церкве Российския, любовию изобильною Богу и милосердием ближним добре послужившая, за веру во Христа Господа нашего душу свою положившая, венцем славы Христовы украшенная и невестою Христовою быти удостоенная!
Боготечною звездою возсияла еси в земли Российстей, святая преподобномученице Елисавето, егда богатство и славу яко прах вменивши, в руце Божии жизнь свою предала еси, да послужиши Ему постом и молитвою, и к страждущим явила еси любовь и велие милосердие.
Благодати исполненнии сосуди явишася честныя мощи твои, святая преподобномученица Елисавето, ихже от поругания и безчестия спасти хотяще, благочестивии людие во святый град Иерусалим принесоша и в веси Гефсиманийстей на горе Елеон погребоша, к нимже припадающии облегчение, отраду и исцеления обретают.
Темже и нас, грешных, твоею молитвою исцели и путь жития нашего светом добродетелей твоих озари. Умоли, о мати наша, да сподобит нам Господь стяжати исцеление страстей, немощи наши да претворит в силу ко спасению, да не погибнем в пучине попечений житейских, но да возможем вечныя муки избавитися и Небесному Царствию наследники быти со всеми святыми, от века Богу угодившими.
О великая княгине Елисавето, жен российских украшение и радосте наша, приими воздыхание сердец наших, с любовию тебе приносимое, и твоим предстательством ко Господу дух правыя веры и благочестия в нас укрепи, в добродетели и милосердии нас утверди, помози крест скорбей с терпением и надеждою понести, в любви и согласии святой храм наш сохрани, да сподобимся в радость Господа внити, со Ангелы и всеми святыми славить Отца и Сына и Святаго Духа, ныне и присно и во веки веков!
Смирением достоинство княжеское сокрывши, богомудрая Елисавето, сугубым служением Марфы и Марии Христа почтила еси. Милосердием, терпением и любовию себе предочистивши, яко жертва праведная Богу принеслася еси. Мы же, чтуще добродетельное житие и страдания твоя, яко истинную наставницу усердно просим тя: святая мученице великая княгине Елисавето, моли Христа Бога спасти и просветити души наша.
Кондак святой преподобномученице Елисавете Алапаевской, глас 2-й
Величие подвига веры кто повесть? Во глубине земли, яко в раи светлости, страстотерпица великая княгиня Елисавета со ангелы во псалмех и пениих радовашеся и, убиение претерпевающи, о безбожных мучителех взываше: Господи, прости им грех сей, не ведят бо, что творят. Тоя молитвами, Христе Боже, помилуй и спаси души наша.
Ин кондак святой преподобномученице Елисавете Алапаевской, глас 5-й
От славы царственныя, вземши Крест Христов, прешла еси к славе небесней, молящи врагов, и обрела еси радость вечную, святая мученице княгине Елисавето, с Варварою мученицею. Темже молим вас: молите о душах наших.
Молитва святой преподобномученице Елисавете Алапаевской о покровительстве врачам, исцеления от тяжких болезней
О святыя новомученицы Российския, великая княгине Елисавето и сестро ея крестовая пречестная инокине Варваро, купно путь свой во мнозех муках скончавшия, евангельския заповеди делом во Обители милосердия совершившия, веры ради православныя подвизающися до смерти в последняя времена сия, и добрый плод в терпении страстей Христу принесшия! Молитеся Ему, яко победителю смерти, да утвердит Церковь Русскую Православную и отечество наше, кровию и страданьми новомучеников искупленныя, и не даст в расхищение врагом России достояния нашего. Се бо лукавый враг вооружися на ны, хотя нас погубити в междоусобных бранех, скорбех, нестерпимых печалех, болезнех, нуждах и бедах лютых. Умолите Господа низложити вся немощныя дерзости их; веру в сердцах людей российских укрепите, да егда найдет на ны испытания час, мужества дар восприимем вашими молитвами, отвергшеся себе и вземше крест свой, последуем, Христу, распинающе плоть свою со страстьми и похотьми. Сохраните нас от всякаго зла, освятите пути жизни нашея, даруйте покаяние нелицемерное, тишину и мир душам нашим, испросите у Господа всем нам мытарств горьких и вечныя муки избавитися и Небесному Царствию наследники быти со всеми святыми, от века угодившими Богу, да радующеся воздадим хвалу, честь и поклонение Отцу и Сыну и Святому Духу во веки веков. Аминь.
О святыя новомученицы Российския, Великая Княгине Елисавето и сестра ея крестовая пречестная инокине Варваро, куно путь свой во мнозех муках скончавшия, Евангельския заповеди делом во обители Милосердия совершивший, веры ради Православныя подвизающися до смерти в последняя времена сия, и добрый плод в терпении страстей Христу принесший! Молитеся Ему, яко Победителю смерти, да утвердит Церковь Русскую Православную и Отечество наше, кровию и страданьми новомучеников искупиенныя, и не даст в расхищение врагом России достояния нашего. Се бо лукавый враг вооружися на ны, хотя нас погубити в междоусобных бранех, скорбех, нестерпимых печалех, болезнех, нуждах и бедах лютых. Умолите Господа низложити вся немощныя дерзости их; веру в сердцах людей российских укрепите, да егда найдет на ны испытания час, мужства дар восприимем вашими молитвами, отвержеся себе и вземше крест свой, последуем Христу, распинающе плоть свою со страстьми и похотьми. Сохраните нас от всякаго зла, освятите пути жизни нашея, даруйте покаяние нелицемерное, тишину и мир душам нашим, испросите у Господа всем нам мытарств горьких и вечныя муки избавитися и Небесному Царствию наследники быти со всеми святыми, от века угодившими Богу, да радующеся воздадим хвалу, честь и поклонение Отцу и Сыну и Святому Духу во веки веков. Аминь.
Великая княгиня Елизавета Фёдоровна во время своей земной жизни прославилась как защитница сирых, убогих, больных и бедных. После смерти своего мужа Великого князя Сергея Александровича, убиенного террористами, она значительную часть своего состояния отдала на создание и обустройство в Москве приюта и больницы, которые стали известны как Марфо-Мариинская обитель милосердия. Сестры обители, обучаясь основам медицины, исполняли послушание и в других московских больницах и богадельнях. Все операции в обители проводились бесплатно. Для их проведения пригашались лучшие московские хирурги. Как простая сестра Великая княгиня работала в больнице, оказывая посильную помощь самым тяжёлым больным и всем тем, кто не имел материальных средств для того, чтобы оплатить лечение.
После ухода ко Господу святая Елисавета продолжает оказывать благодатную помощь многим нуждающимся. Прпеподобномученица Елисавета Феодоровна является покровительницей отделения сестер милосердия при Нижегородском медицинском институте. В августе 2004 года епископ Нижегородский и Арзамасский Георгий благословил именовать отделение сестер милосердия в честь святой преподобномученицы Великой княгини Елисаветы Феодоровны.
Моля о помощи и покровительстве, верующие в молитвах обращаются к матушке Елизавете:
На фото икона преподобномученицы Елисаветы и преподобномученицы Варвары.
Дополнительная информация о преподобномученице Елисавете размещена на страницах:
— Церковь преподобномученицы Елисаветы в Дивееве ;
— Чудеса церкви преподобномученицы Елисаветы в Дивееве .
Страница создана 29.10.2013. Последнее обновление 05.06.2019. Права не защищены, но при копировании имейте совесть: делайте соответствующие ссылки. Спаси Вас, Господи.
Загрузка...