Господи Иисусе Христе, Боже наш, Владыко живота и смерти. Утешителю скорбящих! С сокрушенным и умиленным сердцем прибегаю к Тебе и молюся Ти: помяни, Господи, во Царствии Твоем усопшего раба Твоего (-ую рабу Твою), чадо мое (имярек), и сотвори ему (ей) вечную память. Ты, Владыко живота и смерти, даровал еси мне чадо сие. Твоей же благой и премудрой воле изволися и отьяти е у мене. Буди благословенно Имя Твое, Господи. Молю Тя, Судие неба и земли, безконечною любовию Твоею к нам, грешным, прости усопшему чаду моему вся согрешения его, вольная и невольная, яже словом, яже делом, яже ведением и неведением. Прости, Милостиве, и наша родительская согрешения, да не пребудут они на чадах наших: вем, яко множицею согрешихом пред Тобою, множицею не соблюдохом, не сотворихом, якоже заповедал еси нам. Аще же усопшее чадо наше, нашея или своея ради вины, бяше в житии сем, работая миру и плоти своея и не паче Тебе, Господу и Богу своему: аще возлюби прелести мира сего, а не паче Слово Твое и Заповеди Твоя, аще предавшеся сластем житейским, а не паче сокрушению о гресех своих, и в невоздержании бдение, пост и молитву забвению предавше, — молю Тя усердно, прости преблагий Отче, чаду моему вся таковыя прегрешения его, прости и ослаби, аще и ино злое сотвори в житии сем, Христе Иисусе! Ты воскресил еси дщерь Иаира по вере и молитве отца ея. Ты исцелил еси дщерь жены-хананеянки по вере и прошению матери ея: услыши убо и молитву мою, не презри и моления моего о чаде моем. Прости, Господи, прости, вся согрешения его и, простив и очистив душу его, изми муки вечныя и всели ю со всеми святыми Твоими, от века благоугодившими Тебе, идеже несть болезнь, ни печаль, ни воздыхание, но жизнь безконечная: яко несть человек, иже жив будет и не согрешит. Ты Един кроме греха: да егда имаши судити мирови, услышит чадо мое превожделенный глас Твой: приидите, благословении Отца Моего, и наследуйте уготованное вам Царствие от сложения мира. Яко Ты еси Отец милостей и щедрот, Ты живот и воскрешение наше, и Тебе славу возсылаем со Отцем и Святым Духом, ныне и присно и во веки веков. Аминь.
Господи Иисусе Христе, Боже наш! Ты сирых хранитель, скорбящих прибежище и плачущих утешителю. Прибегаю к Тебе сирый, стеня и плача, молюся Тебе: услыши моление мое и не отврати лица Твоего от воздыханий сердца моего и от слез очей моих.
Молюся Тебе, Милосердый Господи, утоли скорбь мою о разлучении с родившими и воспитавшими мя родителями моими (имена их), души же их, яко отшедшия к Тебе с истинною верою в Тя и твердою надеждою на Твое Человеколюбие и Милость, приими в Царствие Твое Небесное.
Преклоняюсь пред Твоею святою волею, еюже отъяты бысть от мене, не отыми от них милости и благосердия Твоего. Вем, Господи, яко Ты Судия мира сего, грехи и нечестия отцов наказуеши о детях, внуках и правнуках, даже до третьего и четвертого рода, но и милуеши отцов за молитвы и добродетели чад, их внуков и правнуков.
С сокрушением и умилением сердца молю, Милостивый Судие, не наказуй вечным наказанием усопших незабвенных для меня рабов Твоих, родителей моих (имена их), но отпусти им вся согрешения их, вольная и невольная, словом и делом, ведением или неведением, сотворенныя ими в житии их зде на земле и по Милосердию и Человеколюбию Твоему молитв ради Пречистыя Богородицы и всех святых, помилуй их и вечныя муки избави.
Ты, Милосердый Отче отцев и чад! Даруй мне во вся дни жизни моея до последняго издыхания моего не преставати молитися о усопших родителях моих и умоляти Праведного Судию, да учиниши их в месте светле, прохладне и покойне, отонюдуже отбеже всякая болезнь, печаль и воздыхание.
Милостивый Господи! Приими днесь о рабех Твоих (имена их) теплую молитву мою и воздай им воздаянием Твоим за труды и попечение воспитания моего в вере и христианском благочестии, яко научивших мя первее всего ведети Тя, своего Господа, в благоговении молитися Тебе, на Тебя Единаго уповати в бедах, скорбях и болезнях, хранити заповеди Твоя, за благопопечение их о моем духовном преуспеянии, за тепло приносимые ими о мне моления пред Тобою и за все дары, ими испрошенные от Тебе, воздай им Своею милостию, Своими небесными благами и радостями в вечном Царствии Твоем.
Ты бо еси Бог милостей, щедрот и человеколюбия. Ты покой и радость верных рабов Твоих, и Тебе славу возсылаем со Отцем и Святым Духом ныне, и присно, и во веки веков. Аминь.
Господи, Иисусе Христе, Боже наш! Ты — убогих хранитель, скорбящих прибежище и плачущих утешитель. Прибегаю к Тебе я, убогая, стоная и плача, и молю Тебя: услышь молитву мою и не отврати лица Твоего от стонов сердца моего и от слез очей моих.
Молюсь Тебе, милосердый Господи, утоли скорбь мою о разлучении с родившими и воспитавшими меня, родителями моими (имена их); души же их, как отшедших к Тебе с истинной верой в Тебя и твердой надеждой на Твое человеколюбие и милость, прими в Царство Твое Небесное.
Преклоняюсь перед Твоею святой волей, отнявшей их у меня, и прошу Тебя, только не отними от них милости и благосердия Твоего. Знаю, Господи, что Ты, Судия мира этого, грехи и нечестия отцов наказываешь в детях, внуках и правнуках даже до третьего и четвертого рода: но и милуешь отцов за молитвы и добродетели детей их, внуков и правнуков.
С сокрушением и умилением сердца молю Тебя, милосердный Судия, не наказывай вечным наказанием усопших незабываемых для меня рабов Твоих, родителей моих (имена их), но отпусти им все согрешения ихего, вольные и невольные, словом и делом, совершенные ими сознательно и по неведению в этой земной жизни, и по милосердию и человеколюбию Твоему, по молитвам Пречистой Богородицы и всех святых, помилуй их и избавь от вечных мук.
Ты, милосердный Отец родителей и детей! Даруй мне, всю мою жизнь до последнего издыхания моего, не переставать помнить о усопших родителях моих, в молитвах своих, и умолять Тебя, справедливого Судию, да поместишь их в месте светлом, в месте прохладном и в месте спокойном, со всеми святыми, пусть отойдет от них всякая болезнь, печаль и стон.
Милостивый Господи! Прими сегодня о рабах Твоих (имена их), теплую молитву мою и воздай им воздаянием Твоим за труды и старания воспитания моего в вере и христианском благочестии, как научивших меня прежде всего познавать Тебя, Своего Господа, в благоговении молиться Тебе, на Тебя единого надеяться в бедах, скорбях и болезнях и хранить заповеди Твои; за благопопечение их о моем духовном преуспеянии, за тепло приносимое ими молитвой обо мне и за все дары, ими испрошенные мне от Тебя, воздай им Своею милостью, Своими небесными благами и радостями в вечном Царствии Твоем.
Ибо Ты — Бог милостей и щедрот и человеколюбия, Ты покой и радость верных рабов Твоих, и Тебе славу воссылаем со Отцом и Святым Духом, и ныне и присно и во веки веков. Аминь.
Господи, Иисусе Христе, Боже наш! Ты — сирых хранитель, скорбящих прибежище и плачущих утешитель. Прибегаю к Тебе аз, сирый, стеня и плача, и молюся Тебе: услыши моление мое и не отврати лица Твоего от воздыханий сердца моего и от слез очей моих. Молюся Тебе, милосердный Господи, утоли скорбь мою о разлучении с родившими и воспитавшими мя родителями моими (имена); души же их, яко отшедших к Тебе с истинною верою в Тя, твердою надеждою на Твое человеколюбие и милость, приими в Царствие Твое Небесное. Поклоняюся пред Твоею святою волею, еюже отъяты бысть у мене, и прошу Тя, не отыми точию от них милости и благосердия Твоего. Вем, Господи, яко Ты, Судия мира сего, грехи и нечестия отцев наказуеши в детях, внуках и правнуках даже до третьяго и четвертаго рода, но и милуеши отцев за молитвы и добродетели чад их, внуков и правнуков. С сокрушением и умилением сердца молю Тя, милостивый Судие, не наказуй вечным наказанием усопших незабвенных для меня рабов Твоих, родителей моих (имена), но отпусти им вся согрешения их вольная и невольная, словом и делом, ведением и неведением сотворенная ими в житии их зде на земле, и по милосердию и человеколюбию Твоему, молитв ради Пречистыя Богородицы и всех святых, помилуй их и вечныя муки избави. Ты, милосердный Отче отцев и чад, даруй мне, во вся дни жизни моея, до последнего издыхания моего, не преставати памятовати о усопших родителях моих в молитвах своих, и умоляти Тя, праведнаго Судию, да вчиниши их в месте светле, в месте прохладне и в месте покойне, со всеми святыми, отнюду же отбеже всяка болезнь, печаль и воздыхание. Милостиве Господи! прими днесь о рабах Твоих (имена), теплую молитву мою сию и воздай им воздаянием Твоим за труды и попечения воспитания моего в вере и христианском благочестии, яко научившим мя первее всего ведети Тя, своего Господа, в благоговении молитися Тебе, на Тебе единаго уповати в бедах, скорбех и болезнех и хранити заповеди Твоя; за благопопечение их о моем духовном преуспеянии, за приносимыи ими о мне моления пред Тобою и за все дары, ими испрошенные мне от Тебе, воздай им Своею милостию, Своими небесными благами и радостями в вечном Царствии Твоем. Ты бо еси Бог милостей и щедрот и человеколюбия, Ты покой и радость верных рабов Твоих, и Тебе славу возсылаем со Отцем и Святым Духом, и ныне, и присно, и во веки веков. Аминь.
Загрузка...